آئی فون 16 پرومیکس قسطوں پر دینے کا اعلان کردیا گیا، ایپل نے اپنے صارفین کیلئے اسکیم متعارف کرادی، ایپل کی جانب سے نیا آئی فون 16 گزشتہ ماہ ہی متعارف کرایا گیا تھا تاہم اب کمپنی نے لوگوں کی آسانی کیلئے سہولت دینے کا فیصلہ کیا ہے۔ ایپل کی آفیشل ویب سائٹ کے مطابق جو صارفین آئی فون 16 پرو میکس کی یکمشت قیمت ادا نہیں کر سکتے وہ دو سالوں کی آسان اقساط پرحاصل کرسکیں گے۔
آئی فون 16 پرو میکس 256جی بی
دو سالہ منصوبے کے تحت آئی فون 16 پرو میکس 256جی بی کے لیے ماہانہ قسط 49.95 ڈالر میں ملے گا اسی طرح آئی فون 16 پرو 512جی بی کے لیے 58.29 ڈالر رکھی ہے جبکہ آئی فون 16 پرو میکس ون ٹیرا بائٹ کی ماہانہ قسط 66.6 ڈالر رکھی گئی ہے۔ آئی فون 16 پرو میکس 256جی بی کی قیمت 1199 ڈالر مقرر کی گئی ہے جبکہ 512جی بی اور 1ٹی بی اسٹوریج کی قیمتیں بالترتیب 1399 اور 1599 ڈالر ہے۔
یاد رہے کہ آئی فون 16 پرو میکس، آئی فون 16 پرو جتنا ہی طاقتورہے تاہم ان دونوں میں سب سے بڑا فرق ان کے سائز کا ہے۔ آئی فون 16 پرو میکس کا اسکرین سائز 6.9 انچ ہے جبکہ آئی فون 16 پرو کا اسکرین سائز 6.3 انچ اور بیس ماڈل آئی فون 16 کا اسکرین سائز 6.1 انچ ہے۔
نئے فون میں سپر ریٹینا ایکس ڈی آر ڈسپلے
نئے فون میں سپر ریٹینا ایکس ڈی آر ڈسپلے کے ساتھ پرو موشن ٹیکنالوجی بھی شامل ہے اور ہمیشہ آن ڈسپلے کی خصوصیت بھی موجود ہے۔آئی فون 16 پرو میکس اے18 پرو چپ سے چلتا ہے، جس میں 6 کور سی پی یو، 6 کور جی پی یو اور 16 کور نیورل انجن شامل ہیں جو ایپل کی انٹیلیجنس کو ایک نئی سطح پر لے جاتے ہیں۔
آئی فون 16 پرو میں گریڈ 5 ٹائٹینیم ڈیزائن ہے
آئی فون 16 پرو میں گریڈ 5 ٹائٹینیم ڈیزائن ہے جس میں ایک نیا، بہتر مائیکروبلاسٹڈ فنش ہے۔ ٹائٹینیم ان دھاتوں میں سے ایک ہے جن کی طاقت اور وزن کا تناسب سب سے زیادہ ہے جس کی وجہ سے یہ ماڈلز بے حد مضبوط اور حیرت انگیز حد تک ہلکے ہیں۔ نئے 48ایم پی فیوژن کیمرے اور دوسری جنریشن کے کواڈ پکسل سینسر کے ساتھ، آئی فون 16 پرو آپ کو ویڈیو موڈ میں 4کے 120 ایف پی ایس ڈولبی ویژن یا سلو مو میں ویڈیو ریکارڈ کرنے کی صلاحیت دیتا ہے۔