چیمپئنز ٹرافی کھیلنے کیلئے بھارت کا پاکستان آنے سے انکار، بھارتی کرکٹ ٹیم نئے بہانے تلاش کرنے لگی، پاکستان نے آئندہ سال چیمپئنز ٹرافی کی میزبانی کرنی ہے ان بہانوں میں سکیورٹی پر خدشات کا اظہار بھی شامل ہے۔
غیرملکی میڈیا کے مطابق پاکستان کرکٹ بورڈ نے اب بھارتی کرکٹ بورڈ کو پاکستان میں میچ کھیل کر وطن واپس جانے کی آفرکر ڈالی، میچ کھیلنے کے بعد چندی گڑھ یا نئی دہلی ٹریول کرنے کی بھی تجویزدی گئی ہے۔
پی سی بی کے مطابق بھارتی ٹیم کی چیمپئنز ٹرافی میں شرکت کو ممکن بنانے کے لیے آپشن کھلے رکھے ہیں۔
میچ کے بعد ‘ٹریول بیک’ کئی آپشنز میں سے ایک آپشن ہے جس میں بھارت میچ کی صبح آئے اور میچ کھیل کر واپس چلا جائے کا آپشن بھی دیا گیا ہے۔ دوسری جانب پاک بھارت بورڈز کے درمیان ہونے والے رابطوں کے دوران مختلف آپشنز پر بات ہوئی ہے۔
میڈیا رپورٹس کے مطابق پہلے بھی بھارت کے میچز ایک کی بجائے دو وینیوز پر رکھنے کی تجویز سامنے آچکی ہے جب کہ پی سی بی لاہورکے ساتھ دوسرے وینیو راولپنڈی کو رکھنے پر رضامندی ظاہرکرچکا تھا۔
شیڈول کے مطابق بھارتی ٹیم کے چیمپئنز ٹرافی کے 3 گروپ میچزلاہورمیں شیڈول ہیں۔ تاہم بھارتی ٹیم کے پاکستان جانے یا نہ جانے کا فیصلہ بھارتی حکومت کوکرنا ہے۔ لیکن نت نئے بہانے تلاش کرنے میں مصروف ہے۔ ابھی تک اپنی ٹیم پاکستان بھیجنے کا اعلان نہیں کیا۔ ایسا لگتاہے کہ بھارتی کرکٹ ٹیم پاکستان نہیں آئے گی۔