ممبئی قاتلہ حملے میں بھارتی سیاستدان جاں بحق

 ممبئی قاتلہ حملے میں بھارتی سیاستدان جاں بحق
 ممبئی قاتلہ حملے میں بھارتی سیاستدان جاں بحق

 ممبئی قاتلہ حملے میں بھارتی سیاستدان جاں بحق ہوگئے، باندرہ میں رام مندر کے قریب فائرنگ سے بابا صدیقی زخمی ہوگئے جنہیں تشویشناک حالت میں مہارشٹر کے لیلاوتی اسپتال منتقل کیا گیا لیکن وہ جانبر نہ ہوسکے، تازہ ترین اطلاعات کے مطابق حملہ کرنے والے تین افراد تھے جن میں سے دو کو پولیس نے گرفتار کرلیا جبکہ ایک فرار ہونے میں کامیاب ہوگیا۔

بھارتی سیاستدان کو بیٹے کے دفترکے باہرنشانہ بنایا

بھارتی سیاستدان کو ان کے بیٹے ذیشان صدیقی کے دفتر کے باہر نشانہ بنایا گیا، شاپ شوٹر نے گاڑی میں بیٹھے بابا صدیقی پر نشانہ لگایا جوکامیاب رہا، گرفتار دونوں ملزمان کو پولیس نے تحویل میں لیکر تفتیش شروع کردی ، گرفتارملزمان میں سے ایک کا تعلق اترپردیش اور دوسرے کا ہریانہ سے ہے جبکہ تیسرا فرار ہے جس کی تلاش جاری ہے۔

بابا صدیقی کی موت کی تصدیق مہاراشٹر کے وزیراعلیٰ ایکناتھ شندے نے باقاعدہ پریس کانفرنس کے دوران کی، بتایا کہ بابا صدیقی کو تین گولیاں لگیں تھیں اور بدقسمتی سے ہم انہیں بچا نہیں پائے، انہوں نے بتایا کہ گرفتار ملزمان کے خلاف سخت کارروائی کی جائے گی۔

سنجے دت لواحقین سے ملنے پہنچے

بھارتی وزیر کے انتقال کی اطلاع ملنے پرسب سے پہلے بالی ووڈ اداکار سنجے دت لواحقین سے ملنے پہنچے اور تعزیت کی، اس کے علاوہ سلمان خان بھی صبح  سویرے بابا صدیقی کے گھر پہنچے ، مرحوم نے رواں سال ہی کانگریس پارٹی کو چھوڑ کرنیشنلسٹ کانگریس پارٹی مین شمولیت اختیارکی تھی۔

بھارت میں حزب اختلاف کے رہنما رال گاندھی سمیت دیگر سیاستدانوں نے افسوس کا اظہار کیا ہے، بابا صدیقی بالی ووڈ میں ایک اہم پہچان رکھتے تھے ، ان کی بڑے اداکاروں سے دوستی تھی، وہ ماہ رمضان کے دوران اپنی بڑی افطار پارٹیوں کیلئے مشہور تھے۔

بابا صدیقی 13 ستمبر 1958 کوبہار میں پیداہوئے

بابا صدیقی 13 ستمبر 1958 کوبہار کے دارلحکومت پٹنہ میں پیدا ہوئے، ان کا پورا نام ضیا الدین صدیقی تھا، لیکن وہ فلم نگری ممبئی بابا صدیقی کے نام سے مشہور تھے، وہ طالبعلمی کے زمانے میں کانگریس سے منسلک رہے۔
وہ باندرہ سے 1980 میں کانگریس کی طلبہ ونگ این ایس یو آئی کے جنرل سیکریٹری منتخب ہوئے تھے، وہ تین بار باندرہ ویسٹ سے رکن اسمبلی منتخب ہوئے اور 2004 سے 2008 تک فوڈ اینڈ سول سپلائیز اور لیبر اینڈ ایف ڈی کے وزیر بھی رہ چکے ہیں۔

بابا صدیقی ممبئی سوک باڈی کے کارپوریٹر منتخب ہوئے
بابا صدیقی 1992 سے 1997 کے درمیان دو مرتبہ ممبئی سوک باڈی کے کارپوریٹر منتخب ہوئے تھے، سن 2017 میں منی لانڈنگ کیس میں بھی بابا صدیقی کے رہائشی جگہوں پر چھاپے مارے گئے تھے جس کے بعد وہ غیر فعال ہوگئے لیکن ان کے بیٹے ذیشان فعال اور متحرک دکھائی دیے۔
اس کے علاوہ 2014 میں بابا صدیقی باندرہ ایسٹ سے ہی انتخاب بھی ہارچکے تھے، لیکن ان کے بیٹے ذیشان صدیقی 2019 میں اسی جگہ سے جیت گئے تھے۔ خیال رہے کہ سلمان خان اور شاہ رخ خان کے تعلقات کو ٹھیک کروانے میں بھی بابا صدیقی کا ہاتھ تھا،  جنہیں لوگ کبھی بھلا نہیں سکتے ۔