بھارت میں بارش،50افرادہلاک ہوگئے۔
پاکستان کی طرف آنے والاطوفان بھارت سے ٹکراگیا۔
سمندری طوفان صوبہ گجرات کے قریب پہنچ گیا۔
طوفان کے پیش نظر شدید بارشوں نے بھارت میں تباہی مچارکھی ہے۔
تین روز کے دوران طوفانی بارشوں سے پچاس سے زائد افرادجان سے گئے۔ درجنوں درخت زمین سے اکھڑ گئے۔
بارشوں کے باعث بھارت کی بیشتر ریاستیں شدید متاثرہوئیں۔ کاس گنج، فتح پور،چترکوٹ اور اب ممبئی میں شدیدبارشیں ہوئیں۔
ممبئی میں طوفانی بارشیں
ممبئی میں بارش کے بعد سیلابی صورتحال ہے۔محکمہ موسمیات نے ممبئی میں اورنج الرٹ جاری کردیا۔
گلیاں پانی سے بھر گئیں، ہرطرف کچرا ہی کچرا نظر آرہا تھا۔شہرکی تمام گندگی پانی اوپرلے آیا۔
محکمہ موسمیات کے مطابق سوکلومیٹر فی گھنٹہ کی رفتار سے تیز ہوائیں چل رہی ہیں۔
مجموعی طورپربھارت کے اٹھارہ اضلاع طوفان سے متاثر ہیں۔
ہلاک افراد کیلئے معاوضہ کااعلان
بھارتی حکومت نے بارشوں سے ہلاک ہونے والوں کومعاوضہ دینے کا بھی اعلان کیا ہے۔
بارشوں کا سلسلہ پیر تک جاری رہنے کا امکان ظاہر کیا۔
محکمہ موسمیات نے اگلے دو سے تین دنوں کے دوران کرناٹک، مدھیہ مہاراشٹر، اروناچل پردیش، آسام، چھتیس گڑھ، گنگا مغربی بنگال اور گجرات میں بھی موسلادھار بارش کی پیش گوئی کی ہے۔