اسرائیل کا ایران پرحملے کاخفیہ منصوبہ کیسے لیک ہوا؟ حقائق سے پردہ اٹھ گیا، انتہائی خفیہ معلوم کیسے لیک ہوئیں امریکا نے تحقیقات کا آغاز کردیا۔
ذرائع کے مطابق لیک ہونے والی دستاویزات پر 15 اور 16 اکتوبر کی تاریخ درج ہے اور یہ جمعہ کو "مڈل ایسٹ اسپیکٹیٹر” نامی ایک ٹیلی گرام اکاؤنٹ پر شائع ہونے کے بعد آن لائن گردش کرنا شروع ہوئی تھیں۔
امریکی نشریاتی ادارے نے بھی خبر بریک کی، بتایا کہ معاملے سے جڑے تین افراد نے تحقیقات شروع کئے جانے کی تصدیق کی ہے۔ جبکہ دستاویزات بھی تصدیق کئے جاچکے تھے۔ جو تشویشناک ہے۔
لیک ہونے والی معلومات کے مطابق دستاویزات ٹاپ سیکرٹ کے طور پر نشان زد ہیں۔ ان پر ایسے نشانات ہیں جو یہ ظاہر کرتے ہیں کہ انہیں صرف امریکا اور اس کے 5 اتحادی "پانچ آنکھیں” یعنی آسٹریلیا، کینیڈا، نیوزی لینڈ اور برطانیہ ہی دیکھ سکتے ہیں۔
ذرائع کے مطابق لیک دستاویزات اسرائیل کی طرف سے ایران کے خلاف ممکنہ حملے کی تیاریوں کی تفصیل کو ظاہر کرتی ہے ۔ایک دستاویز، جو قومی جغرافیائی انٹیلی جنس ایجنسی کے ذریعہ مرتب کی گئی ہے، اس میں واضح کیا گیا ہے کہ منصوبے میں اسرائیل کے ہتھیاروں کی نقل وحمل کیسے کی جائے گی۔
خیال رہے کہ پچھلے سال امریکی انٹیلی جنس کی ایک بڑی لیک بھی جنوبی کوریا اور یوکرین سمیت اتحادیوں اور شراکت داروں کے ساتھ امریکا کے تعلقات خراب کرچکی ہے ۔