ویڈیو بنانے پر گجرانوالا خاتون اہلکار نوکری سے برخاست کردی گئی، خاتون کانسٹیبل کو لاہور کے نجی کالج میں مبینہ ذیادتی کے واقعے سے متعلق ویڈیو بنانے پرنوکری سے فارغ کیا گیا ہے۔
پولیس ذرائع کے مطابق گوجرانوالا میں لیڈی کانسٹیبل نے لاہور کے نجی کالج میں طالبہ سے مبینہ زیادتی سےمتعلق ویڈیوبنا کر سوشل میڈیا پر اپ لوڈ کی جووائرل ہوگئی تھی۔
انکوائری کے بعد الزام ثابت ہونے پر لیڈی کانسٹیبل کو نہ صرف نوکری سے برخاست کیابلکہ ان کی تفصیل بھی جاری کی ، پولیس نے یونیفارم میں ویڈیو بنانا اور سوشل میڈیا پر اپ لوڈ کرنا کوڈ آف کنڈکٹ کی خلاف ورزی دی ہے۔
اپنے ویڈیو بیان میں لیڈی کانسٹیبل نےکہا تھا کہ لاہور کالج میں جیسے واقعات روز پیش آتے ہیں، لیکن انہیں چھپا لیا جاتا ہے، یہ طلبا کی ہمت ہے کہ اس واقعےکو منظر عام پر لائے، ہر بیٹی کو بندوق چلانا سکھائیں، ہر بیٹی کو اپنی حفاظت کے لیے چاقو پاس رکھنا چاہیے۔ یہی وہ ویڈیو بیان تھا جو خاتون اہلکار کی نوکری ختم کرنے کا باعث بن گیا